Boris Becker

Boris Becker

Boris Becker in 2007
Volle naam	Boris Franz Becker
Bynaam	Boom Boom Die Leeu van Leimen
Land	Wes-Duitsland (1984–1990)  Duitsland (sedert 1990)
Woonplek	Schwyz, Switserland
Geboortedatum	22 November 1967 (1967-11-22) (56 jaar oud) [1]
Geboorteplek	Leimen, Wes-Duitsland[1]
Lengte	1,91 m[1]
Gewig	85 kg[1]
Afrigter	Günther Bosch (1976–87) Ion Țiriac (1984–93) Bob Brett (1987–91) Tomáš Šmíd (1991–92) Eric Jelen (1992, 1993) Günter Bresnik (1992–93) Nick Bollettieri (1993–95) Mike De Palmer (1995–99)[1]
Begin professioneel	1984[1]
Afgetree	25 Junie 1999[1]
Spelstyl	Regshandig (eenhandige handrughou)[1]
Loopbaan-wengeld	$25 080 956 (soos op 18 Julie 2023)[1] (16de van alle tye)[2]
Int. Tennisheldesaal	2003 (ledeblad)
Amptelike webblad	www.borisbecker.com
Enkelspel
Loopbaanrekord	713–214 (76,91%)[1]
Loopbaantitels	49[1]
Hoogste rang	No. 1 (28 Januarie 1991)[1]
Grand Slam-uitslae
Australiese Ope	W (1991, 1996)
Franse Ope	HE 1987, 1989, 1991)
Wimbledon	W (1985, 1986, 1989)
VSA-Ope	W (1989)
Groot toernooie
Toereindronde	W (1988, 1992, 1995)
Olimpiese Spele	3R (1992)
Dubbelspel
Loopbaan-rekord	254–135 (65,3%)[1]
Loopbaantitels	15[1]
Hoogste rang	No. 6 (22 September 1986)[1]
Australiese Ope	KE (1985)
Groot dubbelspeltoernooie
Olimpiese Spele	Goue Medalje (1992)

Boris Franz Becker (Duits: [ˈbɔʁɪs ˈbɛkɐ]; gebore op 22 November 1967 in Leimen, Wes-Duitsland) is 'n voormalige Duitse tennisspeler. Op 17-jarige ouderdom het hy geskiedenis gemaak as die jongste persoon wat nog Wimbledon se enkelspelkampioenskap kon wen.^[3] Hy was ses keer 'n Grand Slam-enkelspelkampioen en ook 'n Olimpiese gouemedaljewenner.

Ná Becker se eerste oorwinning as ongekeurde speler in 1985 het hy in 1986 weer die Wimbledon-titel gewen. Hy het Wes-Duitsland ook gehelp om hulle eerste Davisbeker in 1988 in te palm. In 1989 het hy Wimbledon, die Amerikaanse Ope en 'n tweede Davisbeker gewen.

In 1991 het Becker die Australiese Ope gewen en so die nommer een posisie op die wêreldranglys gehaal. In 1992 het hy Jim Courier in skoon stelle verslaan om die ATP-wêreldtitel. Sy finale Grand Slam-titel was in 1996, toe hy Michael Chang in vier stelle tydens die Australiese Ope geklop het.

In sy loopbaan het Becker 49 enkelspel- en 15 dubbelspeltitels gewen. Hy word onder andere onthou vir sy wedywering met spelers soos Ivan Lendl, Stefan Edberg en Michael Stich.

Vandat hy as professionele tennisspeler uitgetree het, het sy mediawerk en persoonlike lewe hom in die kollig gehou. Hy was tussen 2013 en 2016 die Serwiese tennisspeler Novak Djokovic se afrigter.^[4]

1. ↑ ^{1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14} (en) "Player profile – Boris Becker". ATP World Tour. Besoek op 18 Julie 2023.
2. ↑ (en) "Career Prize Money" (PDF). Pro Tennis Live. 17 Julie 2023. Besoek op 18 Julie 2023.
3. ↑ HAT Taal-en-feitegids, Pearson, Desember 2013, ISBN 978-1-77578-243-8
4. ↑ (en) Novakdjokovic.com (6 Desember 2016). "Novak and coach Boris Becker end cooperation". Geargiveer vanaf die oorspronklike op 9 Oktober 2019. Besoek op 7 Desember 2016.